Ngancik
tenane
Embun esuk
wis tanpa tabet
Saya arus
gandane kringet
Sing maune
wening wis dadi buthek
Rasa plong
kaya dadi buntet
Alon aku jumangkah
Saurute dalan sindhatan
Rungkut ri bebondhotan
Lamat-lamat keprungu tembangmu
Lirih wiramane ngalentrih
Ya ta
tutugna olehmu umpetan
Yen seneng
nyaang aku sangsaya kelangan
Kesel
ngundha kangen
Nganti kaya
wong lara keramban
Apa pancen aku mung wenang ngrungokake tembangmu
Sing wiramane ngaletrih iku
Sing marakake tatu ing njero dhadhaku sangsaya jeru
Sangsaya perih iki?
Dening: Rini Tri Puspohardini
Tidak ada komentar:
Posting Komentar